Սրտային անբավարարություն

Սրտային անբավարարություն

Սրտային անբավարարությունը (ՍԱ) առաջանում է, երբ սրտամկանը չի կարողանում շրջանառություն մղել օրգանիզմին անհրաժեշտ արյան ծավալը :

Առավել տարածված ախտանշաններից են՝

• հևոցը ,
• ոտքերի այտուցը
• արտահայտված հոգնածությունը,
• ցավը կրծքավանդակում ,
• ֆիզիկական աշխատանք կատարելու անկարողությունը :

Սրտային անբավարարության առաջացման պատճառ են հանդիսանում ՝

• սրտի իշեմիկ հիվանդությունը,
• սրտամկանի ինֆարկտը,
• բարձր զարկերակային ճնշումը,
• նախասրտերի ֆիբրիլյացիան,
• սրտի փականային հիվանդությունը,
• ալկոհոլի չարաշահումը,
• ինֆեկցիան ,
• կարդիոմիոպաթիան և այլն ։

ՍԱ բաժանվում է 2 տիպի կախված ՝

1. կծկման ֆունկցիայի խանգարմամբ
2. թուլացման ֆունկցիայի խանգարմամաբ:

Իսկ ծանրությունը որոշվում է ախտանշանների արտահայտվածությամբ :                            Ախտորոշվում է՝ հիմնվելով անամնեզում նշված ախտանշանների և էխոսրտագրության վրա։ Արյան քննությունը, ԷՍԳ և կրծքավանդակի ռենտգեն հետազոտությունը կարող են լինել օգտակար պատճառը որոշելու համար։

Բուժումը կախված է հիվանդության տեսակով և ծանրությամբ :                                                  Քրոնիկ կայուն թեթև սրտային անբավարարության դեպքում բուժումը սովորաբար սկսում են կենսակերպի փոփոխություններից՝

• ծխելը թողնել,
• ֆիզիկական ակտիվության բավարար ապահովում,
• սննդի փոփոխություններ:

Դեղորայքային բուժման մասին ձեզ կպատմենք հաջորդ նյութերում :                                            Հարկ է նշել որ սրտային անբավարարությունը հանդիսանում է շատ տարածված հիվանդություն : Հասուն մարդկանց 2% ունի սրտային անբավարարություն , իսկ 65-ից բարձր անձանց մոտ ՍԱ-ով է տառապում մինչև 10%-ը :                                                                                                                Պոտենցյալ մահացու վիճակ հանդիսանալու պատճառով շատ կարևոր է վաղաժամ , ճիշտ ախտորոշումը և բուժումը :                                                                                                                          Սիրով սպասում ենք Ձեր հարցերին մեկնաբանություններում , ինչպես նաև անձնական նամակով:

Եղեք առողջ

Ձեր՝ NG Pharm