Նելլի Նորիկի Գալոյան
Այսօր Ձեզ ենք ներկայացնում մեր դեղատնային ցանցի՝ NG Pharm-ի, հիմնադիր տնօրենին ՝ մեր շա˜տ սիրելի Նելլի Նորիկի Գալոյանին:
Փոքրիկ ինքնակենսագրական ակնարկ.
Տարիքը ՝ 40տ.
Կրթությունը ՝ ԵՊՀ քիմիական ֆակուլտետ դեղագործական քիմիա բաժին :
⁃ Ի՞նչ հոբբիներ և հետաքրքրություններ ունեք տիկին Գալոյան:
⁃ Այն ամենը ինչ տալիս է դրայվ ՝ ճանապարհորդել , փորձել նոր ուտեստներ , դիտել տարատեսակ ֆիլմեր , հարցազրույցներ։ Սիրում եմ հավաքածուներ կազմել : Այս պահին ունեմ գուլպաների և մագնիսների մեծ հավաքածու:
⁃ Ո՞ր հատկանիշներն եք մարդու մեջ առավել շատ գնահատում:
-Ինձ համար ամենակարևոր հատկանիշներից է ինտելեկտը , դիմացինին օգնելու պատրաստակամությունը , հավատարմությունը , հանդուրժողականությունը , պատասխանատվության զգացողությունը :
⁃ Իսկ ո՞ր հատկանիշները տանել չեք կարողանում:
⁃ Տանել չեմ կարողանում եսասիրությունը , թափթփվածությունը , անտարբերությունը , գենդերային անհավասարության խրախուսումը :
⁃ Ինչի՞ մեջ է ուժը։
⁃ Գիտելիք , փորձ , բարձր գիտակցություն: Հարկ եմ համարում նշել, որ ուժը և կարողությունները սեռ և տարիք չեն ճանաչում:
⁃ Կկիսվե՞ք Ձեզ համար կարևոր 3 գաղափարներով:
⁃ 1. Մենք արդյունքն ենք մեր ստեղծածի. ապրում ենք այն կյանքով , որը կերտել ենք ինքներս: Պետք է ձգտել լավ կյանքի :
2. Ցանկացած փոխհարաբերություն երկկողմանի աշխատանքի արդյունք է : Միակողմանի ոչինչ չկա : Սակայն ես միշտ խրախուսում եմ անել առաջին քայլը՝ բարություն դրսևորելով, առանց ինչոր ակընկալիքի :
3. Պետք է հավատաս ինքդ քեզ ու քո ուժերին , մշտապես հետևես խելացի ու հաջողակ մարդկանց օրինակներին՝ մշտապես՝ ձգտելով նոր գիտելիքների :
