Դեղագործի մասնագիտություն

Սիրելի դեղագործներ և ապագա դեղագործներ , մեր ժամանակներում բավականին պահանջված և հարգանքի է  արժանի դեղագործի մասնագիտությունը: Այն իր մեջ ներառում է բազմաշերտ հետաքրքիր գործառույթներ` նեղ մասնագիտականից մինչև մարդկանց հետ հաղորդակցվելու բազմաթիվ հմտություններ: Ամեն մի հաճախորդի նկատմամբ պահանջվում է յուրահատուկ մոտեցում, քանի որ դեղատուն մտաց մարդն ունի հենց քո խորհրդի կարիքը:
Հետաքրքիր է, որ դեղագործի մասնագիտությունը  հիմնականում նախնտրում են իգական սեռի ներկայացուցիչները, չնայած, որ քիչ չեն նաև արական սեռի ներկայացուցիչները:
Հավանաբար, չեք ժխտի այն փաստը, որ աշխարհում մեծ թվով խոստումնալից մասնագիտություններ կան , և դեղագործի մասնագիտությունը , հենց նման մասնագիտություններից է: Այս մասնագիտության տեր անձինք ողջ կյանքի ընթացքում  չեն դադարում սովորել, կարելի է ասել հավերժ ուսանողներ են: Անընդհատ գտնվելով աշխատանքային պրոցեսի մեջ, դեղագործները բարելավում են իրենց գիտելիքների ծավալը: Բնականաբար, ամեն օր, ամեն շաբաթ կամ ամեն ամիս, նոր դեղամիջոցներ են հայտնվում, և դուք պետք է իմանաք, թե ինչպես է կոչվում տվյալ դեղամիջոցը և ինչ է այն բուժում:

Ազնիվ, այս աշխատանքը թվում է պարզ և հեշտ , որքան ցանկացած վաճառողի աշխատանքը, բայց միայն  ու միայն առաջին հայացքից:

Այստեղ գործ ունենք մարդկանց առողջության հետ , որով էլ պայմանավորված է  պատասխանատվության կարևորումը: Մարդիկ գալիս են դեղատուն, Ձեզ հետ խորհրդակցելու և ցանկանում են ստանալ բժշկական խորհրդատվություն, քանի որ հասկանում են, որ դուք բժշկական մասնագիտություն եք: Չնայած նրան, որ դուք բժիշկ չեք, սակայն դուք նույնպես ներկայացնում եք առողջապահական ոլորտը և  կարող եք օգտակար լինել Ձեր խորհուրդներով իհարկե միմիայն Ձեր կոմպետենտության սահմաններում:

Այսօր որակյալ դեղագործների կարիք ունի մեր երկիրը, Հայաստանյան դեղագործների շուկան լուրջ համալրման կարիք ունի, և եթե Դուք դեռ չէք կողմորոշվել մասնագիտության ընտրության հարցում, ապա լավ մտածեք: Ընտրելով դեղագործի մասնագիտություն, դուք կուենանք հնարավորություն մշտապես աշխատել Ձեր մասնագիտությամբ, վաստակել արժանավայել , օգնել մարդկանց, քանի որ մարդիկ, ցավոք անխուսափելիորեն, բոլորն էլ հիվանդանում են և գնում են դեղատուն:   Մենք չենք կարող խուսափել այս փաստից: Այդ իսկ պատճառով  հմուտ դեղագործները միշտ էլ կլինեն պահանջված և սիրված իրենց այցելուների և ղեկավարների կողմից կողմից:

Հեղինակ`  Ն. Գալոյան

04.08.2018