Արյան ճնշման կանխարգելում

Հիպերտոնիան, ինչպես ցանկացած քրոնիկ պրոգրեսիվ հիվանդություն, ավելի հեշտ է կանխարգելել, քան՝ բուժել: Հետևաբար, հիպերտոնիայի կանխարգելումը, հատկապես, նախատրամադրություն ունեցող մարդկանց համար, գեր կարևոր է: Առաջին հերթին հիպերտոնիայի կանխարգելման մասին պետք է մտածեն բոլոր այն մարդիկ և, հատկապես, այն երիտասարդները և դեռահասները, ում մոտ արյան ճնշումը գտնվում է նորմայի բարձր սահմանային գոտում: Զարկերակային հիպերտոնիայի կանխարգելումը լինում է առաջնային և երկրորդային:

Առաջնային՝ նշանակում է հիվանդության առաջացման կանխարգելում: Կանխարգելման այս մեթոդներին պետք է հետևեն առողջ մարդիկ, ովքեր ունեն հիպերտոնիայի (ժառանգականություն կամ լարված աշխատանքի առկայություն) զարգացման մեծ ռիսկ: Իհարկե, ոչ միայն նրանք, այլ բոլորը պետք է ապրեն հիպերտոնիայի առաջնային կանխարգելման սկզբունքներին համապատասխան, քանի որ այս հիվանդությունը հաճախ առավել անսպասելի պահի կարող է իհայտ գալ, նույնիսկ նրանց մոտ, ովքեր չունեն ժառանգականություն հավանականություն և ռիսկի այլ գործոններ:

Հիպերտոնիայի առաջնային կանխարգելումը ներառում է.

• Կենտրոնական նյարդային համակարգի նորմալ գործունեություն(սթրեսի կանխարգելում):

• Հստակ օրվա ռեժիմ (վեր կենալու և քնելու մշտական ժամանակ):

• Քնի նորմալացում (քնել մինչև 8 ժամ):

• Բացօթյա վարժություններ և ֆիզիկական ակտիվություն (մաքուր օդում երկար զբոսանքներ, հեծանվավազք և այլն):

• Հավասարակշռված սննդակարգ (Հնարավորինս, հաշվեք՝ Ձեր կողմից սպառած, սննդի կալորիաները, սահմանափակեք ճարպի ընդունման քանակությունը: Ճարպեր կարելի է սպառել օրական ոչ ավելի, քան 50-60 գրամ, իսկ դրանց 2/3-ը պետք է լինեն բուսական ճարպեր ՝ եգիպտացորեն, արևածաղկի ձեթ, ավոկադո: Սահմանափակեք մեծ քանակությամբ կենդանական ճարպեր պարունակող սննդի ընդունումը ՝ բարձր յուղայնությամբ կաթ, կարագ, թթվասեր: Սննդակարգը պետք է պարունակի բավարար քանակությամբ սպիտակուցներ՝ ոչ յուղոտ ձկան ֆիլե, թռչնամիս, ինչպես նաև, ցածր յուղայնությամբ կաթ, կաթնաշոռ, կեֆիր և այլն: Շատ կարևոր է սահմանափակել դյուրամարս ածխաջրերի ընդունման քանակը՝ շաքար, մեղր, խմորեղեն, շոկոլադ, ալյուր, բրինձ, ձավարեղեն:

• Քաշի կորուստ (ճարպակալման առկայության դեպքում): Կարևոր է իմանալ, որ առանց ավելորդ քաշի կորստի, չենք

կարող խոսել հիպերտոնիայի կանխարգելման մասին: Բայց հիշեք, որ չի կարելի կտրուկ նիհարել, կարելի է նվազեցնել մարմնի քաշը ամսական 5-10% -ով:

• Ծխելուց պետք է հրաժարվել

• Պետք է նվազեցնել սննդային աղի օգտագործումը (օրական չափաբաժինը չպետք է գերազանցի 6 գրամը): • Շատ ցանկալի է կալիումի, կալցիումի և մագնեզիումի աղերով հարուստ սննդի օգտագործումը՝ ցածր յուղայնությամբ կաթնաշոռ, մաղադանոս, լոբի, սալորաչիր, ճակնդեղ, չոր ծիրան, առանց սերմ չամիչ):

• Անհրաժեշտ է սահմանափակել ալկոհոլային խմիչքների ընդունումը:

Երկրորդական պրոֆիլակտիկան իրականացվում է այն հիվանդների մոտ, որոնց մոտ որպես ախտորոշում հաստատվել է զարկերակային հիպերտոնիա: Դրա նպատակն է կանխել բարդությունների առաջացումը:

Ավելին, կանխարգելման այս տեսակը ներառում է երկու բաղադրիչ.

1. Զարկերակային հիպերտոնիայի ոչ դեղորայքային բուժում

2. Հիպերտոնիկ (դեղորայքային) թերապիա:

Ոչ դեղորայքային բուժումը, սկզբունքորեն, նման է առաջնային կանխարգելմանը, միայն ավելի խիստ պահանջներով: Եթե ժառանգականությունը և շրջակա միջավայրը յուրաքանչյուր անհատ ի վիճակի չէ փոխել, ապա կյանքի և սննդի ձևը` լիովին հնարավոր է պահել ուշադրության կենտրոնում:

Դեղորայքային թերապիա բժշկի կողմից նշանակվում են դեղեր, որոնք ազդում են ճնշման բարձր մակարդակի վրա իջեցնելով այն: Արտերիալ հիպերտոնիայով հիվանդները պետք է խստորեն պահպանեն բժշկի ցուցումները և դեղերը ընդունեն ըստ պահանջի ՝ դրանով կանխելով բարդությունների ռիսկը:

Արտերիալ հիպերտոնիայի կանխարգելումը կարելի է հետևել առավոտյան և երեկոյան ճնշման մակարդակի համակարգված մոնիտորինգով՝ հավատարիմ մնալով Ձեզ բուժող բժշկի ցուցումներին, իսկ իրավիճակի վատթարացման դեպքում,անհապաղ, դիմեք բժշկի:

Հ.Գ. Հիշեք! Ցանկացած հիվանդության կանխարգելումը ավելի հեշտ է (և ավելի էժան), քան նրա բուժումը: Եղեք առողջ Էնջիֆարմի հետ միասին:

#ngpharm

#էնջիֆարմ

#առաքում

#դեղատուն

#կապ_մեզ_հետ_033114114